तेरे मेरे च ढिल्ला धाग्गा बड़ा मत पडेरदा।
इसा बुणतरा च जान स्हाड़ी
दिक्खेयां उधेड़दा।
दिक्खेयां उधेड़दा।
दोस्तीया मेरीया मत
शक़्क़े नै कुदेरदा।
मैं चाणचक्क् ही औणा
तू भित्तां मत ढफेरदा।
शक़्क़े नै कुदेरदा।
मैं चाणचक्क् ही औणा
तू भित्तां मत ढफेरदा।
आ:ह्ण गोळे व:ह्ण लक्ख
रिह्यां दिले जो ठंधेरदा।
दिक्खदा जायाँ कि:हन्ज्यां
मैं सूरजे खरेड़दा।
रिह्यां दिले जो ठंधेरदा।
दिक्खदा जायाँ कि:हन्ज्यां
मैं सूरजे खरेड़दा।
जिस् अम्बोटुएं ढक्कैं असां
रह्यी लाई राग़ गाणे
कुरी फळी पौणा तिस्स
तू हाक्खीं मत तरेरदा।
रह्यी लाई राग़ गाणे
कुरी फळी पौणा तिस्स
तू हाक्खीं मत तरेरदा।
सियास्ती दे खुन्डें नेता
गाईं जो परसेरदा।
चेल्लेयां जो चुळी अप्पू
दुधूनूंयैं मधेरदा।
गाईं जो परसेरदा।
चेल्लेयां जो चुळी अप्पू
दुधूनूंयैं मधेरदा।
तीसा हई नी तैं: नै जाणा
तू पग्गा रै:ह् पडेरदा।
मैं घोड़ीया ब्हाई लई जाणी
तू सेहरे रै: सधेरदा।
तू पग्गा रै:ह् पडेरदा।
मैं घोड़ीया ब्हाई लई जाणी
तू सेहरे रै: सधेरदा।
होर्ना दीयां भूणीयां पिट्टी
जिंदडू कैं:ह् धकेरदा।
तिज्जो भी कुछ खाणा मिलै
पैसे कु:जो कठेरदा।
जिंदडू कैं:ह् धकेरदा।
तिज्जो भी कुछ खाणा मिलै
पैसे कु:जो कठेरदा।
मदाद कर उ:दी जेहड़ा
जिन्दगीया सधेरदा।
भरोणे नी ढिड्ड मंगतेयां दे
इन्हां मत गझे:रदा।
जिन्दगीया सधेरदा।
भरोणे नी ढिड्ड मंगतेयां दे
इन्हां मत गझे:रदा।
हाक्खीं खोप्पु चाह्ड़ी झोट्टा
को:ह्लुए घुमेरदा।
माँ:ह्णु जे चढ़ाई चल्यो
कोई नी पतरेरदा।
को:ह्लुए घुमेरदा।
माँ:ह्णु जे चढ़ाई चल्यो
कोई नी पतरेरदा।
कुण कदे: शिवां पर
दुद्धाँ तू मधेरदा।
विळखा दे बच्चे भुक्खे
तिन्हां कैं:ह् तरसेरदा।
दुद्धाँ तू मधेरदा।
विळखा दे बच्चे भुक्खे
तिन्हां कैं:ह् तरसेरदा।
झळस्होया हिरखैं नै अग्गैं
होर भी जळेरदा।
पप्पू अद्धा माँ:ह्णु अप्पू
दूआ मोदी बकळेरदा।
**
तेजकुमार सेठी।
होर भी जळेरदा।
पप्पू अद्धा माँ:ह्णु अप्पू
दूआ मोदी बकळेरदा।
**
तेजकुमार सेठी।
