 |
| मुच्छड़ - कागज पर पेंसिल से मुदित की रचना |
सुकर मना:ह भई सिर नी फुट्टे, लक्क-लत्तां ई भज्जीयां
मने पतेया:ह मुक्के नी भुक्खे, मिलदीयां रहीयां र:ज्झीयां.
अपणेयां-निप्पणेयां कुतु कजो मिलणा, होई गई गल्ल पुराणी,
बख्त मै:न्गा, कुण टिकटां लै:ह्न्गा, कुनी जहाज्जैं बुकंग कराणी.
रब्ब ते डरां, सुकर करां, अपणे भी:बी ढुकी पौन्दे बड्डीया-चड्डीया.
मकान च्णोई गै, रस्ते संगड़ोई गै, घर-घर खड़ूई गईयां गड्डीयां,
खेत्तर मुक्की गै, नाळू सुक्की गै, पर सड़कां होई गईयां वड्डीयां,
सड़का टप्पणा- मौत्ती सदणा, कुनी भनाणीयां पुराणीयां हड्डीयां.
दाड़ी दा मेल्ला, मा:ह्णुआं दा रेल्ला, कारां कनै कार जुड़ी ग:ईयो,
धक्के पर धक्का, प्रा:ह्लैं धूड़ी दा फक्का, पी:हो-पी:ह पई गई:यो
भी:बि सुकर मना:ह, अझैं च:लेया साःह, हंडणे जो बच्चीयां कुछ पगडन्डीयां.
2 comments:
very nice :)
एह ता साढ़े वक्ते पर बड़ी जबरदस्त टचकोर है. इसा च तकलीफ भी है कनै सीन भी साह्मणै खड़ोई जा दा.
Post a Comment