खोळ खिड़किया

सोमवारे 19 दिसंबर 2016 दीया पञ्चीया तांईं प्री:ह्या:-
***
उठ भाऊ खोळ जरा  मने दिया दुआरिया।
नी ता तेरी बीत्तणी  गुमाने दी   खुमारिया।
**
मत खोहडे दूयाँ देयाँ,  दोसां दी पटारिया।
गास्सा 'खा ते दिक्खा कदा, लेखां दा लखारिया।
**
 मा:ह्णु होई मा:हणुयें सींएं मा:हणु कुति बणेया।
 मळदा रिंहां हत्थां  पंछि   पौणा जे उड़ारीया।
**
चिड़ियां जो रक्खेयो थे दाणे मैं सम्हाळी नै।
चिड़ीयां  डराई सारे      खाईं लै घुटारिया ।
**
कमाये थे मैं चार पैसे    दो गयै उधारिया।
बचे जेे दो बाकी सै ता    लगी  यै  बमारिया।
**
नौ झार करोड़ माल्या, क:ह्ला ई डकारिया।
पुट्टी क्या लेया गौरमिंटा, बैंक मन मारिया।
**
दुह्यी लै तू दुद्ध जिन्ना  दूह्यी  हुँदा  तेरे तैं।
हड्डों ख़ुडों बैहंगी तां तू फेरेयाँ कटारिया।
**
नाँ:ह्-किरसां दी ता कमाई होणी गिणुआं
बोरियां ता नोटां दियां  चोरिया चकारिया।
**
बद्दळ ता मते आये म्मीदां आळे पाणिये दे
 सुकिया ही छड्ढी गै सै मेरिया क्यारिया।
**
पहाड़िया ता छड़ी बैहन्दा सुरगे दे झूटेयाँ
दिक्खी करी साग-घियो, रोटिया करारिया।

**
पेटे जो घुआड़ी गया जिंदा मिन्जो छडी करी
ग्रैह-खा:दा दस्सी बैठा, डॉक्टरे नै बमारिया।

गुआळिया ही लगेओ न पार्टिया च होर सब
धन्न-भाग इक्को ही है, गाईं दा बपारिया।
**

पुआड़ा धुप्पा दा

सौ:हग्गें होई नै ला: बियाड़ा धुप्पा दा।
कुसकी मंगी  लैणा   भाड़ा धुप्पा दा।
**
लोक्कां दींयां धुप्पां जाई मत बचळोयें।
गुहाड़ अपणा गुआड़-पुछाड़ा धुप्पा दा।
**
होरती ता बारी मिलणी नी एं बद्दलां ते।
जाई पञ्चीया सेक  धियाड़ा धुप्पा दा।
**
बह्रदीया तौंदीया झल्लीयाँ जिन्हां सपूतां।
लिखी दे तिन्हां दे नांयें  जाड़ा धुप्पा दा।
**
असेह्यी भेज्जेयो बद्दळ चुणीनै गासले।
करी छड्डेया तिन्हें इ खुआड़ा धुप्पा दा।
**
सूई ठै:हरा करदी कार-क्रीन्देयाँ ऊपर।
मन ता ज़रा भी नी था माड़ा धुप्पा दा।
**
अपणी ईद दियाळी अपणी कोई हुज्ज नी।
भिह्यी वी पा:हंयां कुनकीं पुआड़ा धुप्पा दा।
**
सै:ह्यी गल्लां सै:ह्यी मच्चळड़ सै:ह्यी चाब्बां।
नौआँ हण कोई कम्म   नुआड़ा धुप्पा दा।
**
न्हेरैं ही पत्थरां ढोआ करदे न्हेर बुपारी।
फ:स्सेया तिन्हां दे ढिड्डें  राड़ा धुप्पा दा।
**
खाणे जो ता ठुंग नी न कोई लुंग जैह्रे दी।। ज़
तिन्हां जो मत पढ़ाएं प्हाड़ा धुप्पा दा।
**
घुळखा दे जीणेंय्यो माँ:हणु हन मुलखां दे।
पिह्या तिन्हां जो बगत कुराड़ा धुप्पा दा।
**
मा:हणु कुनी छोटा कुनी बड्डा करी छड्डेया।
पा:ह्या कुनी मोच्छा  कनै फाड़ा धुप्पा दा।
**
सच्च:य्यो ढिड्ड पिट्ठी नै जीन्हां भाऊआं दे।
बज्जदा तिन्हां दीया पिट्ठी नगाड़ा धुप्पा दा।
**
अंदरों अंदर पह्यीयो खौ:दळ टब्बराँ दी।
 कुस मूँहै मारी जाआ दे दाड़ा धुप्पा दा।
 **
तेजकुमार सेठी। धर्मशाला।

blog dhauladhar: blog dhauladhar: ग़ज़ल रगड़े'

blog dhauladhar: blog dhauladhar: ग़ज़ल 'रगड़े

रगड़े।

**

बैठी असां  समा:ह्णे रगड़े।

कितने  होर  लुआणे रगड़े।

**

सुर बणी नै मेरेयाँ  गीतां दे।

गोआ  दे नौंएं पुराणे रगड़े।

**

रगड़ेयाँ खाई मैं बड्डा होया

गाई गाई  सुणाणे रगड़े।

**

तेरीयां गल्लां छुं:ह्यीं दीयां हह्लां।

हिक्का सुआड़ू  बुहाणे रगड़े।

**

मसैं इन्हां दा मुल्ल चुका:ह्या।

मुफ्ते  च  नी  गुआणे रगड़े।

**

कुछ रगड़े तां लहुएँ स:ग्गेयो।

मसांकड़ी तिक्क पुजाणे रगड़े।

**

ज्हादीयाँ जो कुण समझायै।

लगदा   होर  लुआणे  रगड़े।

**

मुण्ड ऊखळीया दित्तेया ह्यीया।

मूह्लैं  मूह्ल   कुटाणे रगड़े।

**

रगड़े मैंह् तांईं  छत्तर-छाईं।

छन्नी  गास  छुआणे रगड़े।

**

कुछ रगड़े  सच्च बणी गै मेरे।

किं:ह्नयां फिरी झुठाणे रगड़े।

**

कई तां बैठय्यो इ बक़्ते फतूंह्णा।

सुण,   बक़तें वी छू:हाणे रगड़े।

**

बा:हज्जी रगडें जिन्दड़ी सूनी।

जीणे 'यो  होर   सदाणे रगड़े।

**

मेरीया सोच्चा दा बतीरा सै:ह्यी।

ताज़े   रोज  मुंगाणे   रगड़े।

**

गीत रगड़ेयाँ  दे  'न गळघुट्टू।

"तेज्जैं"  कु:जो सुणाणे रगड़े।

***

blog dhauladhar: ग़ज़ल 'लिखारिया'

blog dhauladhar: ग़ज़ल

प्हाड़ी पञ्ची 26 सितंबर,2016



सोच्चें जरा तू कुस तिंयें  लिखदा लखारिया।

दुखदी रग जकोंदी, जे तू  जिकदा लखारिया।

**

शेयरां खरीदी बेच्ची,   ढिड्ड होयेयो कई मोट्टे।

 पुलन्दा तेरे शेअरां दा, नी बिकदा लखारिया।

**

खुन्ड्डा आळे अपणीयाँ, सेक्का दे खरीयां रोटीयां।

तेरा रोट साफ़-सुथरा, कैं:ह् नी सिकदा लखारिया।

**

काळजुए दीया सेजळू च, जो शेअर हन स्रहोंदे

 तिन्हां दें सेक्केँ अग्गें,  कुण टिकदा लखारिया।

 **

इन्हां बजारीयां नी पढ़ने, तेरे शेअर  दे:हे कुराड़े।

एह लिखारियां इ पचाणे,जे तू लिखदा लखारिया।

**

 मिल्ले जे लोक सै: भी,  गोळ पैंदे आळे गड़बू।

 पाणा तिन्हां च वी क्या, नी टिकदा लखारिया।

 **

कई जम्मेयों इस कम्मयों, बस न्हेर इ पाणा आ:ह्यो।

तिन्हां न्हेरेयाँ प्रा:ह्लैं  लोंईं,  तू  लिखदा लखारिया।

**

इक्क ता चोर वी चरड़े,  दूआ हुक्म भी 'न करड़े।

दे:ह्याँ सँढरो:ह्याँ मुण्डाँ,  तू जिक्क्दा लखारिया।

**

तेरीयां  पैनीयाँ नजराँ,  दीयां फैलीयाँ ऐसीयाँ कदरां।

भदरां तिज्जो सा:ह्यीं,  कुण छिलदा लखारिया।

**

तू बीण्डेयाँ जो घड़दा,  कंनैं ठींन्डिया जो पुट्टदा।

जीं:हन्डेयाँ दीयां जड़ां,  तू थिक्कदा लखारिया।

**

चढ़ भौंएं गासलिया मंजला , सब तमासगीर हन।

दिक्खेयां नवालड़ीया छत्ती  ते ड़ीकदा लखारिया।

**

इस्स चौथेपणे च कुस,  सीस्से गां:ह् खडोणा।

अक्स पिता अपणे दा,   ही लिभदा लखारिया।



**

एह ढिल्ले धागे दी पत्त है, बद्धेय्यो प्रभु वी औंदे,

एह प्हाड़ी स्हाड़ी मत्त है, मत खिचदा लखारिया।

****

तेजकुमार सेठी, धर्मशाला।

**

ग़ज़ल

🙏��अज्जकणी जुगुयैळ🙏�
**  
(अज्जे दीया प्हाड़ी पञ्चीया च)
***
लड़ें ल:ग्गेया लड़ू:ह्दा लाड़ा उमर भर सुखाणा पौंदा।
लीन्डूये बौ:ह्लदे बारा ब्या:हधीं हलैं तां भी लाणा पौंदा।
**
धुखैं मियाळु चूल्हैं ताँ सुक्का न्या:ह्डू लाणा पौंदा।
बड़ा इ भळाम्बा भड़की पौंएं  सिन्ना पचरु पाणा पौंदा।
**
जिंदु दीया इमानती कन्नै ल:ग्गीयां सौ इलामतीं भी हन।
अपणीयाँ हिक्का सिल्ल रक्खी मत्था रोज़ लाणा पौंदा।
**
गो:ह्रां गुच्छीयाँ हण्डी टप्पी धूड़ धुडैंगा खाणा पौंदा।
ढिड्डे दीया बुझाणे खातर छित-पौल्ला भी खाणा पौंदा।
**
हत्थें कक्ख नी औणा कै:जो गुद्दडां इ बतुङगा करदे।
नियाणे जो लपेटणे जो नौंआं न्योळु सियाणा पौंदा।
**
कुण के:ह्यी मा जागते जो भुक्खे दिक्खी रह्यी सकदी।
  दुद्धे तिंयें जागते जो फिरी भी भाऊ कळाणा पौंदा।
**
ग्लाआ इस दुर्योधने जो सह्रंगती सो:ह्गें  रै:ह्णा सिक्ख।
मन्नणा नि ता तन्नणा भी है मुंज्जो अज्ज् गलाणा पौंदा।
**
मिलणा भी नि तो:प्य्यो  इनी धरती दे कुसी खूंजें जाई।
दिक्खेयां जे कुती सहान्ज़ो ह्यी महाभारत दुहराणा पौंदा।
**
बाह्रलेयां दुस्मणा जो भाऊ नत्तणा कुछ असान भी ह्या।
अन्दरले भेड्डू गुब्बणे तां अपणा मुण्ड फुटाणा पौंदा।
**
सरहद्दां पर खड़ोई नै बस भाषण ही नी देय्य्यी दे हुंदे।
देस्से जो बचाणे खातर ख:हल्ड़ू भी धड़ाणा पौंदा।
**
त्रिईये तरफैणे दीयां गल्तीयाँ जो बड़ी मत्त चुक्क दैं।
सच्चे मितरे अपणे नै सच्चो सच्च गालांणा पौंदा।
**
भुल्ली जांदा खरेयाँ बगतां हर कोई खड़ूस माँ:हणु।
दिलखुशां जो तां बुरा बगत अप्पू याद कराणा पौंदा।
**
जिन्हां जे बड़ेरया तिज्जो अपणेयाँ लहुआं सिंज्जी सिंज्जी।
तिन्हां माऊँ बुढ़ेयाँ  दा कर्ज भी ता चुकाणा पौंदा।
**
झुरलू नी फेरी देणा है  भाऊ गास्सा ते आई नै कुनी।
कुछ बणी दस्सणा तां हड्डाँ जो भी हिलाणा पौंदा।
**
आई जा:हङ्गा परमेसर भी ता लियौणी नी हैं तिज्जो थाळी।
अप्पू ही बा:ह्णा, अप्पू ही लुळणा, अप्पू ही गा:ह्णा पौंदा।
**
कसरी कोई होई पौयै डाक्टरां जो दखाणा पौंदा।
अंग कोई सड़ी जाए तां दड़ बट्टी नै बढाणा पौंदा।
**
पेस कोई चलै न जे डाक्टरिया दे इलाज्जां विच्च।
देवतूआं जो मत्था टेकी धूपड़ू भी धुक्खाणा पौंदा।
**
कोई भी नी बणदा मेया,  मैहरम अपणेयाँ जख्मां दा।
अपणा ज़ख्म अप्पणा ह्या, अप्पू जो इ ढुकाणा पौंदा।
**
मितरां नै भी क्या गल्ल करनी अजके इस जमाने च।
फोन्ने पर मिळणे तांईं  भी पै:ह्लैं  टैम बन्हाणा पौंदा।
**
बिज़ी बिज़ी औयै फोन,  इंटर -नैट ता मिलदा ह्यी नी।
सारा सारा दिन भाईया अपणा ही बगत भनाणा पौंदा।
**
इक्क शेअर केज़रीये भाईये जो:
*
सियास्सी खुन्ड गड्डी नै सौंगळ तिन्हां जो पाणा पौंदा।
निकळी पौयै 'पोल्ला' कोई  अपणा इ मुण्ड चुथाणा पौंदा।
**
बगदीयाँ दे सब्भ मित्तर मेल्ले चेल्ले कनै हाली मुआल्ली।
ढै:हत्तेयां दा बणदा नी कोई किल्ल्हेयां इ कळाणा पौंदा।
****
तेजकुमार सेठी,
धर्मशाला।

गोह् ई गाळी

किस्मत कर्मां जै:ह्रां आळी
क्या कढै डळया:ह् दी डाळी।
**
तां:ह्गां देयाँ तंदां कोई
सच्चा जोग्गी कड्ढै ताळी।
**
जां फिरि अप्पू भुगती रोई
कढ्णे पौणे गुआळी गुआळी।
**
बौ:हल्दां जो जुतणा ई पौणा
प्रैणी लेई नै कुद्देया हाळी।
**
पिट्ठी जुंंगड़ा मूँहैं छिकड़ा
धरत पटणी ह्यी नी सुखाळी।
**
गुरमत गुरुएं देह्यी सखाळी
कित्ती उम्रां तिक्क जुगाळी।
**
चण्डी चण्डी मेरे गुरुएं
गुच्चुम्यां कस्टां दीया आळी।
**
पसु पसु राय:ह्यीय्या पास्सैं
पसुपति मेरा दित्ता उट्ठाळी।
**
ध्याड़ा चढ़ै न घरोयै एत्थू
अट्ठों पै:ह्र ल:ह्ग्गीय्यो दियाळी।
*
जाह्लू कोई लोभी बद्दल
बह्रना ळ:ग्गन धुत्तर धाळी।
**
ज्ञाने दे मैं घियान्ने वाळी
दित्ते काळे बद्दल टाळी।
**
मेरी भाणी गप्पाहड़ जाणी
मितरां दित्ती गल्ल उछाळी।
**
तिन्हां ई मितरां चुप्पीया कित्ते
गुरुएं मू:ह्रैं सीट सम्हाळी।
**
होर कोई हुन्दा मेरीया ठा:ह्री
तां सै:  दिंन्दा खू:ह्यें छाळी।
**
दोस  नी देणा मेरे मित्तर
गि:ह्ज्ज्यो थे न्हेरे दीया राह्ळी।
**
दिक्खी नै सोहणे जेह फुल्ले
मत करदा मुंडणे दी का:ह्ली।
**
इक्क तां तीनि मुर्झाई जाणा
दूआ सुन्नी रै:ह्णी डाळी।
**
जोरावरीया पैंठी व्ह्याळी
तैं तां बोटिया 'गोह् ई गाळी'।
**
होर्नां जो भरी भरी प्री:ह्ये
मुंज्जो अद्ध प्री:हत्ती थाळी।
**

कौड़ीयां गल्लां

**
नौकरीया आळी ब्या:ह्यी नै
ताळूये अपणे झसदा रैह।
*
भीड़ा च धुत्त होएयो सब्भो
कल्हा अप्पू ची हसदा रैह।
*
मि:क्कियो पुळस घस्टोरां नै
मत जा:ह्णी नै फसदा रैह।
*
कुसी नी तिज्जो मूँहैं लाणा
तगमेयां अपणेयां दसदा रैह।
*
बत्रै:ह्ट्यो घोड़े पर चढ़ना ता
पल-पलैं काठिया कसदा रैह।
*
जै:ह्रे दे दण्द पुट्टी नै रख
 खड़पा भौंयें डसदा रैह।
 *
कौड़ा सच मैं गुळदे रै:ह्णा
जग भणी मुंजो हसदा  रैह।
*
पंडतें मंतर पड़-पड़ पढ़ने
नोट सौये दा दसदा रैह।
*
बणे बणे दी लकड़ी एह्त्थू
हसदा रसदा वसदा रैह।
*
मोट्टा खाणा मोट्टा लाणा
जीणा मरना सस्ता रैह।
*
चिणदा जा: मंजलां पर मंजलां
शिमला भौंए धसदा रैह।
*
बगणा दे रो-रु:ह्द्धीयां हाखीं
कौफ मने दा रसदा रैह।
*
लड़ जे लाणा नेतेयां कन्नै
अग्गैं पिछैं नहस्सदा रैह।
*
  भुंज्येया उमरां दीयां मारां ते
  बच्चड़ेयाँ कदी कुति दसदा रैह्।
***

सच्चीयाँ गलाण लग्गै

शैहते तें भी मिठड़ा तेरा गलाण लग्गै।
चमेलीया मै:हकदीया नै तेरी पछाण लग्गै।
**
दूयेयां दीयां कमाईयां तां झट्ट उड़ाण लग्गै।
पौंदी पीड़ तिस्जो जिस्दा जे लाण लग्गै
**
बोल्लां जे सच्चईयां गल्लां लोकां जो व्खाण लग्गै।
चुगलीयां मैं:हन्जरां पां तां सै: शिव पुराण लग्गै।
**
मुफ़्ता दीयां स्ला:हीं अणमुक् हर कोई गलाण लग्गै।
पौयै निभाणा अप्पू ता गळे दा फ़ा:ह्ण लग्गै।
**
धन्न सस्सू दा बतीरा जिसा नूंह धियाण लग्गै।
तिसा धीया दा क्या करीये प्योकेयां जो खाण लग्गै।
**
उम्र भर नी भरोए अपणे ही ढिड्ड टोये।
क्या धड़ी क दान लग्गै जा:ह्लु प्राण जाण लग्गै।
**
लीडर सभते अग्गैं  ती:ह्ली लाण लग्गै।
जा:ह्लु होई हटन लियान्ने ता:ह्लु अग्गी बुझाण लग्गै।
**
मक्कार चापलूसां दी आखर मुक्हाण लग्गै।
खान्देयां न खाण लग्गै मंज्जेयां न बाण लग्गै।
**
असां अपने पेट घुट्टे बच्चेयाँ न आ:ह्ण लग्गै।
हण सै: गला:ह्ण औक्खे ता ढिड्डे च बाण लग्गै।
**
अमीर गरीब कुछ नी सब्भनीं नै छड्डणी दुनीयाँ।
मुर्दुआड़ लग्गै कोई भणी पै:हलवाण लग्गै।
**
मसलेयां दी म्ह्लस् जिन्दड़ी मुकी जाणी ढाण लग्गै।
मुकी जाणी रैह्न्दी खो:ह्न्दी जे दुखड़े सुणाण लग्गै।
**
योगा करने वाळा सेहतां बणान लग्गै।
आत्मा चमकाण लग्गै देहईया सजाण लग्गै।
***
तेजकुमार सेठी।🙏🏻

***

blog dhauladhar: माह्णुयें नी बदलोंणा

blog dhauladhar:  माह्णुयें नी बदलोणा



"मा:ह्णुयें  नी बदलोणा"



माह्णुयें दा त्वार क्या होणा
मुश्कल है माह्णु पछणोणा।
लगदा बाह्रीएं जिन्ना सोह्णा
अन्द्रीयें उतणा ही घणौणा।

**
माह्णुयें अन्दर दूआ माह्णु
औक्खें वेल्लैं पौंदा टोह्णा।
जिन्ना मिल्लै उन्ना थोड़ा
माह्णुयें दा नी ढिड्ड भरोंणा।
**
जिंदेयां जी दौड़ नी मुकणी
मरने परंत वी  नी वसोणा।
मुल्ख खाई नै वेह्ले कित्ते
बैंक भीई वी ल:गग्यो भरोंणा।
**
तेरीया गट्ठी है ता तेरा माह्णु
जे उ:ह्दीया तां ति:ह्दा होणा।
जे:ह्बां आळे दा है माह्णु
फ़गताल्लां दा कैंह् कोई होणा।
**
हर वक्खीया  मुफ़्ता दी टोळै
विन भाडैं मह्यी नी खड़ोणा।
सा:ह्मणीयाँ तां हस्दीयाँ हाक्खीं
पीट्ठी पीछैं छुरा ख्वोह्णा।
**
इक्क ता प्रौह्णा औंदा ही नी
आई जायै ता ह्यी नी झलो:ह्णा।
जे कुती टिकी जाए होर दो ध्याड़े
लगी जे पौणे वट्ट क्ढो:ह्णा।
**
माह्णुयें दा हत्थ जित्थी छो:ह्णा
गंगा मैल्लीया कैंह् नी होणा।
इस मुलखे दा दस्स क्या होणा
जिव्हा ही दंदां हेठ टकोणा।
**
पैदा तां हुँदा माँ:ह्णु सच्चा
गुआच्दा जाँदा जी:ह्याँ वड्रोणा।
कितणा पिट्टणा कितणा रोणा
ईत् घराट्टैं दे:ह्या ही पिह्यो:णा।
**
माँ:ह्णुयें  लग्गा नी सुधरोणा
संतां  सुआ:ह् सिर संढरो:ह्णा।
पीर पैगंबर थकी हारी गै
अपण माँ:ह्णुयें नी बदलोणा।
**
टीवीयां मीडीयाँ प्रधानां ग्लोणा
ग़रीब राड़ान्दा कु:जो सुण्होणा।
फ:ट्टेयो दिले कीं:ह्नयाँ सियोंणा
पेम दा धाग्गा सुईया प्रोणां 1
**
सरकारां जे दे:ह्यींयाँ खरीयां
दलत कजो ल:हग्न फुकोणा।
खरे दिन होर कदे:ह् औणे
दालीं लगीयाँ स्माणे छो:णा 1
****

ढिल्ला धागा

तेरे मेरे च ढिल्ला धाग्गा बड़ा मत पडेरदा।

इसा बुणतरा च जान स्हाड़ी
दिक्खेयां उधेड़दा।

दोस्तीया मेरीया मत
शक़्क़े नै कुदेरदा।
मैं चाणचक्क् ही औणा
तू  भित्तां मत ढफेरदा।

आ:ह्ण गोळे व:ह्ण लक्ख
रिह्यां दिले जो ठंधेरदा।
दिक्खदा जायाँ कि:हन्ज्यां
मैं सूरजे खरेड़दा।

जिस् अम्बोटुएं ढक्कैं असां
रह्यी लाई राग़ गाणे
कुरी फळी पौणा तिस्स
तू  हाक्खीं मत तरेरदा।

सियास्ती दे खुन्डें नेता
गाईं जो परसेरदा।
चेल्लेयां जो चुळी अप्पू
दुधूनूंयैं मधेरदा।

तीसा हई नी तैं: नै जाणा
तू पग्गा रै:ह् पडेरदा।
मैं घोड़ीया ब्हाई लई जाणी
तू सेहरे रै: सधेरदा।

होर्ना दीयां भूणीयां पिट्टी
जिंदडू कैं:ह् धकेरदा।
तिज्जो भी कुछ खाणा मिलै
पैसे कु:जो कठेरदा।

मदाद कर उ:दी जेहड़ा
जिन्दगीया सधेरदा।
भरोणे नी ढिड्ड मंगतेयां दे
इन्हां मत   गझे:रदा।

हाक्खीं खोप्पु चाह्ड़ी झोट्टा
को:ह्लुए घुमेरदा।
माँ:ह्णु जे चढ़ाई चल्यो
कोई नी पतरेरदा।

कुण कदे:  शिवां पर
दुद्धाँ तू मधेरदा।
विळखा दे बच्चे भुक्खे
तिन्हां कैं:ह् तरसेरदा।

झळस्होया हिरखैं नै अग्गैं
होर भी जळेरदा।
पप्पू अद्धा माँ:ह्णु अप्पू
दूआ मोदी बकळेरदा।
**
तेजकुमार सेठी।

कन्नाँ धुआई नै चला

कन्नाँ धुआई नै चला।
इस ज़माने दे रंग ढंग 
ठीक  नी 'न लग्गा दे,
कोई छिकड़ा मुंहैं
पर चढ़ाई नै चला।
**
कण्डेयां ते पैरां जो
बचाई नै चला।
कण्डेयाँ ते बचणे जो
पाई लैंह्नगे जुट्टे ,
फुल्लां ते भी
जान छुड़ाई नै चला।
**
मंदरां च जा:ह्नगे
चढतां चढ़ा:ह्नगे।
भुक्खे जो भी दो ग्राह्
खुआई नै चला।
**
वुजुर्गां दे ला:ह्यो अम्ब
झप्फी झणी छड्डे।
गाँह् देयां जो भी
रुख लाई नै चला।
**
अंन्हेंयां जो नी सुझै
तुसेहाँक्खीं आळे।
अन्हेंयाँ जो सड़का
लंघाई नै चला।
**
दूएं हत्थें देयी गड्डी
रोणा तां अप्पु होया।
अपणी गड्डी अप्पू
चलाई नै चला।
**
सिरैं ही चढ़ी औ:ह्ण 
जे बद्दळ गड़कदे।
खरी कीत्ता इन्हां जो
ब:ह्राई नै चला।
**
खून इक्क खुदा इक्क
ख्वाहिश इक्क जीणे दी।
नोट इक्क खी:स्से लग
लग पाई नै चला।
**
बद्धणे तेह्यी नी हटदा
इच्छां दा पतराह।
सुख लैणा सच्चा ता
इस रड़ाई नै चला।
**
बगाड़ने जो पल नै
बणाणे जो उमरां
दुसमणां नैं भी हत्थां
मलाई नै चला।
**
ई:ते पै:ह्लैं जे अग्गां
पाई देह्न लियान्ने।
अप्णीयां ही अग्गीं
बुझाई नै चला।
**
पै:ह्नीं नै चले:ह्यो
सब रंगदार चश्में।
इन्हां ऐनकां जो
घुआ:ह्यी नै चला।
**
जेहड़ी ऊंगळी इसारे
करै दूएयां पास्सें।
तीसा अपणे पास्सें
भी मुड़ाई नै चला।
**
बोज्झा ढाई नै चला
मौज्जां लाई नै चला।
अप्णी जिंदड़ी दे भी
सुपने सजाई नै चला।
***

सच्चे जो सच दसणा औक्खा

ग़ज़ल

सच्चे जो सच दसणा औक्खा
झूठे दा पख रखणा औक्खा।

चखणा सौक्खा बासमती  दा
मच्च धान्ना दा मच्चणा औक्खा।

बाज्जा लगदा सौक्खा दिखणा
पर चज्जे नै बज्जणा औक्खा।

शैह्दे दा सौक्खा चटखारा,
पर द्रोह्ळे दा सच्चणा औक्खा।

ठगी सकदा मुन्जो हर कोई,
मुन्जो कुसी की ठगणा औक्खा।

आँदराँ तिक ममता पळचोह्यिओ
इन्हां तारां जो कढणा औक्खा।

माराँ खाई  सी नी कित्ती,
बा:ह्ज्जी संघे डडणा औक्खा।

द्रौपदिया दे चीर हरण पर
धृतराष्ट्रे जो खं:ङ्गणा औक्खा।

सौक्खा गडियां मोशन चकणा ,
पर जैम्मां तैं कढणा औक्खा।

सौक्खा दसणा  रस्ता प्हाड़ी ,
पर प्हाड़ां पर चढ़णा औक्खा।

सौक्खा जोस्सैं भरेया भाषण,
विच्च बैरियाँ गजणा औक्खा।

गैराँ बिच  प्ही बी  निभी जाह्न्गी,
बिच्च सरीकां  बसणा औक्खा।

चोरे ते जादा  पँड का:ह्ली,
चोरे पिच्छैं नह्ठणा औक्खा।

कम्म चलाऊ गज़लाँ मतियाँ
‘तेज’खयाल्लाँ सजणा औक्खा।

तेजकुमार सेठी।
धर्मशाला।

बद्दनीत्ता कोई काळा बद्दळ

blog dhauladhar: blog dhauladhar: blog dhauladhar: अज्जे दी ग़ज़ल: this



बद्दनीत्ता कोई काळा बद्दळ,

हच्छीयां धारां घेरा करदा।

लहु-लुहाण तस्वीरां को:की,

इस धरतू दीयां पेड़ा करदा।

**

बड़े बड़े धुनत्तर रह्यी गै,

दुनियां अज्जे तिक् नी सुधरी।

तैं भी बाज्जड़ होई जाणा,

सुणेयां तू भी सधेरा करदा।

,**

म्हैस्सी दा रंग काळा ही रै:ह्णा,

क्रीम्मां लक्ख चमेड़ा करदा।

सूरज भी कोई भोरैं अपणी,

सै: सूरज भी ह्नेरा करदा।

**

भुक्खे भाणे रो:ह्ण नियाणे,

माळां कै:ह्दीयाँ फेरा करदा।

"तौ" क्या हुँदा जाणै सै: ही

अप्णीयां मुक्हाणी जेह्ड़ा करदा।

**

सिद्धिया उंगळा घ्यो निकलै नी,

कैं: नी उँगळा जो ढेरा करदा।

हर गल्ल मन्नी तेरी मितरा,

भीई वी हाक्खीं तरेरा करदा।

**

पैसेयां खुआई बणेया मनिस्टर,

दब्बी नै धन्न कठेरा करदा।

मत्थेयां रगड़दा नी था हटदा,

सै: हण मुंड्डे परेड़ा करदा।

**

तिलक धोतीयां लाई तोत्ता,

राम-नाम धुन छेड़ा करदा।

चुंज्जां नै भन्नी नै पिंजड़ा,

उड्डणे दी गल्ल छेड़ा करदा।

**

जाणीय्या जो रीत प्रीत दी,

दिलां सब्भनां दे डेरा करदा।

लई क्या जाणा अप्पू सौग्गी,

कुस ताईं तेरा-मेरा करदा।

**

बद्दळ लीरो लीर बह्रा दे,

कुण ऐ खिं:नदाँ धेड़ा करदा।

जल-थल गुद्दड़ नाळ भरो:ह्यो,

धरतू अम्बर सेड़ा करदा।

**

तेजकुमारसेठी।🙏🏻💭🏔🌏

अंगणे दे बोटुए दीयां

अंगणे दे बोटुए दीयां  मत कटदे  टा:ह्णीयां।
ई:दीया ही छौंईं तौंदीया मंज्जीयाँ न डा:ह्णीयां।

***

बंडी बंडी वोटां जिन्हां सीटां बणाणीयां।
कल तिन्हैंई स्हाते नक्क़ घड़ी:स्सीयाँ लूआणीयाँ।

**

 वगते दीयां माराँ गु:ह्ज्ह्यीयां  कुसी नी पछ्याणीयां।
सु:ज्झदीयां नी डाँगां ईःदीयां खस्मा जो खाणीयाँ।

**

मु:ह्यें अपणे सी नै रक्ख मेरेया दिलो जाणीयां।
दु:ख्दे दिले दी गल्लां लोक्काँ  उड्डाणीयाँ।

**

माऊ दीयां गु:थीयाँ खि:न्दाँ मैं नी धड़ाणीयाँ।
इन्हां टलीयाँ विच्च छुपीयां माऊ दीयां नसाणीयाँ।

**

खरीयां न औ:ह्न गल्लां कैं:ह् बुरीयाँ वी लाणीयां
नमुल्लियाँ घड़ीयाँ जिंदू दीयां बीत्ती जाणीयां।

**

चिंदैं मत   तू  वा:ह्दू मेरे यारा  हाणीयाँ।
दहीं रिड़की छड्डणां अप्पू वगते दीया मधाणीयां।

**

मैं  चूटदा रे:ह्या नकम्मा ऊंज्जळा नै पाणीयाँ।
एह् जाणेयाँ ही नी वगतें झड़ीयां लाणीयां।

**

पता जे हुँदा मुँज्जो तैं दिलैं ने लाणीयां।
खुरँडी नी बैठदा मैं यादां पुराणीयाँ।

**

चोट्टां दिले दीयां दिले च ही जिक्की पाणीयां।
जां चिक्का दी माँ घड़ी नै तीसा नै गलाणीयाँ।

**

खड़ू:ह्त्या ढिगा ध्याड़ा ह्ण गा:ह्णी नी गा:हाणीयाँ।
छडी देया वौळ्दां वी लग्यो भुक्खे भाणीयां।

**

मन सौणे जो करादा लम्मीयां सौरी ताणीयां।
खेतीया स्महाल्न गांह् जिन वा:ह्णीयां कमाणीयाँ

**

सरीफां दा कम्म ह्यी नी चोणां च  हाणीयाँ।
जे खड़ूई भी जा:ह्नगे तां कुनी वोटां नी पाणीयां।

**

औआ दी याद मुँज्जो प:केयां अम्बां दी डफ् डफ्।
सै: पी:ह्नगां पाणीयां लम्मीयां हन्गाणीयां।

**

लाहौल यात्रा के संस्मरण - 3

तांदी के संगम स्थल पर खड़े हो कर देखें तो पश्चिम के उस अत्यंत भयावह पर्वत के पैरों में चंद्रभागा से काफी ऊपर उठा हुआ समतल पठार दिखता है, यही है गोशाल का हरा भरा गाँव . उत्तर पश्चिम की ओर खुली हुई पत्तन घाटी चंद्रभागा के साथ साथ फैली हुई है .  इस घाटी में दूर दूर वस्तीयाँ हैं , गाँव हैं , हरी भरी खेतीयाँ हैं . गरमीयों के महीने में गंदम जौ और सर्दियों की सब्जियां उगाई जातीं हैं . यह सारा दृश्य बड़ा मनमोहक लग रहा था. मैंने बाद में विश्लेषण किया कि खोक्सर से ले कर इस संगम स्थल तक हमारी गाड़ी  एक ही पर्वत के पेट के अगणित घूमों के चक्कर लगाती रही थी, मीलों मील. इस संगम स्थल पर नदियों की तीन लकीरें तीन घाटीयों का त्रिकोण जैसा बनातीं हैं. उत्तर पूर्व की ओर से आती हुई चन्द्र नदी मेरे मन में अद्भुत कल्पनाओं को जन्म देने लगी. एक्सम स्वच्छ नीले आकाश को बेंधती पहाड़ों की धवल नोकें. गाड़ी आगे सरकने लगी. सड़क के एक तरफ ऊंचे पहाड़ की ढलान पर बहुत सी जगहों पर स्वच्छ पानी के झरने भी दिखते रहे . एक स्थान पर पानी पीने के लिए उतरे थे उस मृदु ठन्डे पानी की खुश्बू मुझे अब तक याद है.  लोगों ने बताया कि यह पानी प्राकृतिक जड़ी बूटीयों से होकर आता है इसलिए यह खुशबूदार हो जाता है. थोड़ी देर में के ऊँचे हिमतुन्गों के घेरों के बीचों बीच हरा भरा कैलोंग दृष्टिगोचर होने लगा.  कैलोंग से पहले भी एक गाँव आया और एक बड़े घूम के सिरे पर भयंकर नाला आया. बड़े बड़े पत्थरों पर उछलता हुआ उग्र और वेगवान चिट्टा पानी, पूरे वातावरण में सिहरन पैदा करने वाली नमी फैलाता हुआ. पुल को पार करके सड़क फिर यू टर्न कर के उतनी ही दूरी तय करके कैलोंग के कस्वे में घुस गई.  नर्म कच्चे हरे पत्तों वाले विल्लो के पेड़ों के समूह. बड़ा ही चक्शुप्रिय नज़ारा. एक क्षण के लिए तो लगा कि हम किसी काश्मीर के गाँव में आ गए.  गाडी जहाँ खडी हुई उस सड़क के साथ ही पानी का चश्मा कल कल वह रहा था. मैं हाथ मुंह धोने लगा तो हाथ सुन्न हो गए. हवा भी इतनी ठंडी थी जैसे हमारे यहाँ दिसम्बर में होती है.  मुझे याद आ रहा है कि सामान के बोझे उठाने के लिए चपरासी भी आ गया था, हालाँकि कुछ हमने भी ढोया. चपरासी का नाम याद नहीं आ रहा है. वह  बहुत भला नेक आदमी था. उसका घर नदी पार के छोटे से गाँव में था. बैंक की बिल्डिंग में ही रहने के लिए क्वार्टर था. 

  

लाहौल यात्रा के संस्मरण - 2

लाहौल यात्रा की अगली किश्त
मेरा छोटा भाई अनूप तब बहुत छोटा था। मैं इस बात  का जरूर उल्लेख करना चाहूँगा कि जब पिता जी उसे स्कूल में  दाखिल करने के लिए ले गए तो उसने पहली कक्षा में बैठने से इन्कार कर दिया.   कायदे से तो दाखिला पहली जमात में ही मिलना था. हैडमास्टर साहिब को बड़ा आश्चर्य हुआ.  उनकी लाख कोशीशों के बाबजूद  यह  नहीं माना .  आखिर हैडमास्टर जी ने उससे कुछ  प्रश्न पूछे .  इसके उत्तरों को  सुन कर हैडमास्टर साहिब को मानना ही पड़ा और  अनूप को सीधे दूसरी कक्षा में दाखिला मिल गया.
 हम जुलाई की छुट्टीयों में ही कैलोंग के लिए प्रस्थान कर चुके थे .  हमारे मनों में इस अद्भुत अचिन्त्य प्रदेश को देखने की इतनी उत्सुकता थी कि  जोखिम से भरी और थका देने वाली यात्रा की लेश भर भी परवाह नहीं थी। भागा के किनारे वाले पहाड़ की छोटी अगोचर थी.  भागा नदी के ऊपर  पुल को लांघ कर सामने कच्ची सड़क हमारी अगली यात्रा का स्वागत  कर  रही थी.   सड़क  के साथ साथ  बड़ी नाज़ुक कच्ची  नरम घास पनपती हुई देख  कर मुझे और ही तरह का अनुभव हुआ.   यूं  लगने लगा कि सृष्टि  की  प्रथम  घास जीवन के लिए संघर्ष कर  रही हो.  यहाँ  का सारा दृश्य किसी  और ही दुनियाँ  से परिचय करा रहा था.  उत्सुकता  बरकरार थी . दरिया के पार  एक जीप हमारे अगली यात्रा  के लिए बुला रही थी . हमारी पीठों पर भारी बैग थे . ठण्ड इतनी थी कि काफी गर्म कपड़ों का बोझ तो हमारे शरीर ने पहले से ही उठा रक्खा था .  जीप में  जगह की तंगी थी . और भी सवारियां  और उनके अपने अपने बोझे.  कच्ची  उबड़ खाबड़ सड़क पर जीप  सरकने  लगी . मोड़दार  कच्ची सड़क  कभी  नाले  की तरफ  भीतर  घुसती  और फिर घूम कर दूसरे मोड़  तक  आती  और पुनः अगले और गहरे नाले  के छोर  को छू कर वापिस .. इस प्रकार अनेकों पुनरावृत्तियों  के साथ चढ़ाई आ जाती और फिर मुड़ कर उतराई में आ जाती थी। सामने दूसरे पहाड़ की हरी मखमली पीठ पर इनी गिनी वस्तियाँ भी दिख जातीं थीं जिनके बीच बहुधा शिला लेख और गोम्पे भी नजर आते.  सड़क के किनारे पत्थरों पर पत्थर रक्ख कर सजावटें और शैल पत्थरों पर भूटी भाषा में मन्त्र उकेरे हुए.  रंगदार कपड़ों की झंडीयां जिन पर मन्त्र लिखे होते , हवा में पहराते हुए . भागा नदी सड़क से कभी दूर हो  जाती तो कभी पास हो आती.  हरी और स्लेटी र्रंग की वेगवान जलधारा .  पता नहीं कितने मील तय करने के बाद लगने लगा कि इस गहरी घाटी के पाट खुलने वाले हैं। शुद्ध नीले अम्बर का एक टुकड़ा दो बेशुमार ऊंचे पर्वतों को हटाता हुआ नीचे उतरने लगा और हम विस्फारित आँखों से इस रोमांच भरे नवलोक के दृश्यों को अबोध बालकों की तरह देखते भी जाते और बीजी के साथ बतियाते भी जाते। पिता जी से कम बात होती थी। वह अकेले में अपने आप में अपने आप से से ही बतियाते लगते तो मुझे उनसे कुछ भी पूछने की हिम्मत नहीं जुट पाती थी। यह तो मैंने वार महसूस किया कि उनके मन में बड़ी इच्छा थी कि मैं पढ़ाई में बहुत आगे निकल जाता और आई ए ऐस की परीक्षा में सफल होता, क्योंकि तब तक मैं आठवीं की परीक्षा में स्कूल में दूसरे नंबर पर था। मुझे याद है कि मेरी स्मरण शक्ति और क्रिएटिविटी कल्पना शक्ति और कुछ नया करने का उत्साह बहुत था। खैर, जीप हमें खुली घाटी में ले आई। यह था चंद्र और भागा का संगम स्थल। पश्चिम में चट्टानी भयावह पर्वत, जिसके माथे पर भूरी स्लटी तिरछी तहें . जैसे शिव ने क्रोध से  भृकुटी तनी हो और  इस वृहद्  प्रस्तर महा पिण्ड के  पैंदे में  बिछा हुआ गौशाल गाँव। हरा भरा। मुझे बताया गया कि वह एक बड़ा उपजाऊ क्षेत्र है और वहां काई धनाढ्य लोग रहते हैं। अब तक हमारी जीप याद नहीं कितने किलोमीटर तक उत्तर वाले विशाल पर्वत के एक ही ओर चक्कर लगा कर तांदी पहुंची तो लगा कि अब हमें एक पुल लांघ कर उत्तर पूर्व की ओर मुड़ना था, जिस ओर से  शुद्ध नीली हरी चन्द्र नदी के घेरे आते  हुए लग रहे थे .  

भासा दीया ओड्डिया च

भासा दीया ओड्डिया च प्रैम पी:ह्ण पाई रक्खा।
जा:ह्लू तीएं कुल्हा पाणी घराट्टे जो चलाई रक्खा।
**
बीई भाईचारे दे लगी पौह्ण उंगरना
औणे आळे सम्बते जो ऊरीयां लगाई रक्खा।
**
गोड्डियाँ गुडाई रक्खा कुल्हां पाणी लाइ रक्खा
सूरां कनै बान्द्रां ते खेतीया बचाई रक्खा।
**
जेह्ड़ा 'खुराफात्ती' खरपात मुण्ड चुक्की औयै
समेत ज:ह्डाँ पुट्टी करी ती:ह्जो ला:ह्मबैं लाई रक्खा।
**
बाडां होईयाँ चौड़ीयां खेतरंजो खाणा प्:ह्यीयां
रळी मिळी व:ह्ड्डी टुक्की तिन्हें सूतैं पाई रक्खा।
**
बेह्लडां बौळ्दां जो खरीया मत्ती लाई रक्खा
हळ्लैं जुंगडैं लाई रक्खा सुक्क़ीया गा:ह्णी पाई रक्खा।
**
वसदेयां घरां आस प्रौह्णेयां दी लाई रक्खा
मन्जा अंगणे डा:ह्यी रक्खा चुल्हैं चा:ह् चढ़ाई रक्खा।
**
अप्पणीयां हौआँ कनै अम्बर भी अप्पणा ही
व्चारां दीयां उच्चीयां पतंगा जो उड़ाई रक्खा।
**
को:ह्की काळा भेड्डू जा:ह्णी मुच्ची नै पेच्चा पायै
कट्टी नै पतंग ती:ह्दी धूड़ी च ऱुळाई रक्खा।
**
घरैं घुसड़ी नै जिन्हा खिं:न्दा फग्गळ पाई ते:ह्यो
छुप्पीयाँ छछूंदरां जो कड़ाकीयां लगाईं रक्खा।
**
हरियाणे जाळी-फूक्की धीयाँ भैणां वी नी दिक्खीयाँ
लोहड़ीया दे 'दुल्ले भट्ठे' आळे जो भुलाई रक्खा।
**
सोह्णे फुल्ले दिक्खी नै डाळीया ते तोड़ा मत
रब्ब दीयां रू:हाँ बिच्च मन चित्त लाई रक्खा।
**
'वुसुआस' ई:न्ज्या बोळणे जो इक्क पल लग्गदा
समझणे समझाणे जो पूरी जिंद लाई रक्खा।
**
भास्णा दे रासणां नै ढिड्ड हण फटी जाणे
चज्ज दा कोई कम्म करा इतणा सुझाई रक्खा।
**
प्हाड़ीया दीयां रौणकां भई पञ्चो तुसे लाई रक्खा
भासा दीया धूणीयाँ दी अग्गी सुळ्गाई रक्खा।
****

किच्छ् भी हासल करने तयींएं

किच्छ् भी हासल करने तयींएं
अपणा कुच्छ गुआणा पौंदा।
अपणी जगह बणाणे तयींएं
अपणा मुल्ल लुआणा पौंदा।

कुर्सिया दीया चास्सा कनैं हो:ईयो
जेहड़े जक्ख् नैं अन्हें
सुच्चिया अग्गी भ:ख्या चिमटा
कुस्की जो तां छु:आणा पौंदा।

बोलणे आळे मते कठरो:ह्यो
देश भगतीया दे म:झमेँ ला:ह्यो
बड़ीयाँ गल्लां बड़े मच:ल्लण
न्हेरिया पत्थर ढोई ला:ह्यो
सरह्द्दां जो सगणे तयींएं
वीराँ जो लहु गुआणा पौंदा।

जाह्ली जैह्रे दी पुङ्ग थी लुंगी
कैंह् नी ढक्का ते दित्ती ठुंग्गी
हण जे बेल्लां चढ़ीयां गासैं
बिछणा लागींयां चौह्नी पास्सें
जां जे झळसोणा लग्गे पास्से
अग्गी कम्बळ ह्डुआणा पौंदा।

मैं जे बोल्ला तां लगणी कौड़ी
लग्गै बज्जदी सिरें हथौड़ी
अझें भीई मन्नी लै तू कै:ह्णा
ठन्डे डमाक्कें सोची लैणा
होर्नि चिक्कड़ सट्टणे ते पै:ह्लें
अपणा मुंह धुआणा पौंदा।
***